عندى واحدة صحبتى واقعة فى مشكلة وعاوزة تعرف الرأى الصحيح .. زى استفتاء .. واكيد الاراء دى هتستفيد منها كتير .
الموضوع هو : فى واحد طالب يدها وحالته ميسورة مادية بس المشكلة انه متزوج وعنده طفلين بس هو مش سعيد فى حياته الزوجية وبيدور على الحلال ووقع الاختيار على صديقتى واخبرتنى بالموضوع بس انا مش عارفة افيدها بالرأى .
هل ترفض ...........؟؟؟؟؟؟؟؟؟؟؟؟؟؟؟
ام تقبل هذه الزيجة ووقتها ممكن تتدخل فى مشاكل الزيجة الاولى وتحس انها ظلمت واحدة ليس لها ذنب فى انها مش عارفة تسعد زوجها ؟؟؟
Myspace backgrounds
Falling hearts Here
هناك 13 تعليقًا:
انا دايما بقول ان اى بنت لازم تحط حاجز وحدود بينها وبين اى راجل متزوج
صاحبتك مش حطت الحاجز ده اكيد بدليل انه فكر فيها واكيد هو شاف فيها شىء مش شايفه فى مراته
اولا مراته واضع انها مفيهاش عيب خطير زى مثلا انها لا تقدر على الانجاب او انها انسانه مريضه لا تقدر على خدمته
هما عندهم اطفال يعنى بيت واسره ومسؤليه
العيب بس انه هو مش سعيد معاها
المفروض صديقتك تنصحه انه يحل نقط الخلاف بينه وبين زوجته ويحافظ على بيته واطفاله
انا دايما بقول ان الراجل اللى بيتزوج مره تانيه ويفتح بيت تانى بيبقى على اساس البيت الاول والبيت الاول هو اللى بيتهدم
لكن لو هنكلم فى مساله التعدد طبعا هى حلال بس ليها شروط عشان بس محدش يقول انى بقول لا للتعدد بس فى الزمن ده الراجل اللى بيعدد ويفتح بيت تانى بيته الاولانى بيتهدم وخصوصا لو جايب من زوجته الاولى اطفال المشكله بتبقى اكبر
ارجو تقبل وجهه نظرى الشخصيه
ازيك يا حبيبتي وحشتيني فينك من زمان
الموضوع دا صعب جدا
واللي هايتظلم فيه هم الاطفال
وبعدين ايه اللي يعرف صديقتك انها بعد الجواز ما يكونش مصيرها مثل التي قبلها
انصحها بالرفض
تقديري
سلام نفرتاري
شوفي من الاول انا اصلا ضد تعدد الزوجات بالمطلق
صاحبتك تحط نفسها في مكان الست اللي حيتجوز عليها جوزها ترضى لنفسها يجيب عليها جوزها ضرة
اترضى بان يشاركها احد في زوجها لا اظن بانها تقبل لذلك الوضع
شيء اخر الراجل ده عوض ما يشوف ايه اللي جعله غير سعيد مع زوجته و يحله بالحسنى و الحوار الحياة فيها مساكل و عراقيل لكن السعيد فيها من يستطيع ان يتدبر اموره و يحلها بشكل منطقي
ة في حاجة ثالثة
الله بيقول : "و عسى ان تكرهوا شيئا و هو خير لكم"
ممكن في حاجة مبيحبهاش في الست بتاعتوا ممكن تكون خير
نفرض فيها حاجة و مبيحبهاش يبقى يشوف الحاجات الحسنة اللي فيها و يلتفت اليها
اتمنى ان صاحبتك ما تكون السبب في انها تفرق اسرة وايه ذنب الاولاد اللي حيعيشوا ازمة نفسية من المشاكل اللي ممكن تحدث بعد متتجوزو
مودتي الدائمة
انا مع راي ريمان علي فكرا
وبعدين هيا مش عايشه معاهم ممكن يكون بيقولها كدا بس عشان تحس انه محتاجلها :(
أنا كنت غايب بقالى فتره
وبعدين قلت أجى أشوف الناس اللى كانوا غايبين رجعوا ولا لسه ؟؟
لقيتهم رجعوا وطارحين مشاكل كمان
قبل المشاكل دى كلها
أنا لازم أبارك وأهنى ولو بعرف أزغرط كنت عملتها
بجد مليووووووووووون مبروك
أما بالنسبه للمشكله دى
لو عايزه تعرفى رأيى اقرأى رأى ريمان هو ده رأيى بالظبط
تحياتى
السلام عليكم ورحمه الله وبركاته
أهلين و سهلين
عودا أحمد (أحمد مين مش عارف هههههه)
عامله ايه يا عروستنا
وحشتنى كثير كثير كلامك و كتاباتك ما خلاص من لقى الأحباب نسى الأصحاب (وش بيغمز)
بصى انا لى تعليق على الموضوع ده
أولا مينفعش الواحد يقول ينفع أتجوز ولا لا امر الزواج شرعا سنه واجبه أما ما يسأل هل الشخص أو الشخصيه تصلح للزواج أم لا و الشورى فى هذا الموضوع واجبه لكن صلاه الإستخاره هى الأفضل
تعدد الزوجات موجود لو بالزوجه عيب من عيوب المطلوبه فى الزواج
انا بقول للعدل بين الزواجت سيحدث ام لا
انا عندى رأى شخصى
صاحب بالين كداب وثلاثه منافق وأربعه ابن (......)حذفت من الرقابه
فيه معايير أخرى للموضوع ده
اوقات لما بتكون البنت كبرت فى السن يتلجأ الى مثل هذا الأمر لكسر كلمه عانس
المهم عايز اشوف بوست زى زمان
وأسأل الله انا يهب لصديقتك الرشاد و الزوج الصالح
ازيك يا نفرتارى
وحشتينى
هى صاحبتك يا نفرتارى غاويه مشاكل وغاويه تحط نفسها فى حاره سد وهى عارفه ان الحاره سد
الطريق الممهد العين بتشوفه والطريق اللى فيه مطبات العين برضه بتشوفه
هى عايزه تروح ليه للمطبات ...
يا ريمان
كل واحد بيشوف مراته بمزاياها وعيوبها
وبيشوف فى الاخرين المزايا لانه لم يطلع على عيبوبهاولم تتجرد من ملابسها ومن عقلها امامه مثل الزوجه التى تتجرد من كل شيئ لزوجها فتظهر عيوبها كبيره ومزاياها صغيره سواء كانت عيوبا جسديه او فكريه او عقليه او او ... الخ
وكلنا عيوب
فاذا ظهرت عيوبها له فما الحل
سوف تكون الطامه الكبرى
الانسان دا نفسه بطاله وعايز يتسلى ولا يقصد الطريق السوى
قولى لها اتقى الله يا بنيتى فى نفسك ولا تعرضى نفسك لاختبار سوف تندمين عليه بالتأكيد
تحياتى
الحقيقة ان ظروف ولابسات الموضوع غير كاملة عشان نحكم على الموضوع
يعني مثلا هل الزواج ده سري والا معلن؟ زوجته الأولى عارفه والا من وراها؟
فرق السن بين صديقتك وبين الرجل ده قد ايه؟ وهي رأيها فيه ايه؟ هل بتحبه والا هو بالنسبة ليها اي عريس وخلاص؟
ايه الأسباب اللي مش مخلياه سعيد مع زوجته الأولى؟ مش يمكن تكون نفس الأسباب متوفرة في صديقتك؟
فيه الف حاجة ممكن تغير من شكل الموضوع .. لازم هي تشوف الموضوع وتحكم عليه من كل جوانبه
أولاً أنا سعيدة جداً بعودتك لعالم التدوين
ثانياً هية مشكلة صعبة فعلاً ومن رأى تنصحيها تصلى صلاة إستخارة وربنا هيدلها على الخير بإذن الله
سلام مؤقت يا قمر
السلام عليكم
أخبار عروستنا إيه
أتمنى من الله تكون فى سعاده
نفر الجميلة
وحشتيني
اولا التعدد في حد ذاته مش مرفوض في المطلق
لكنمرفوض لما يكون بدون اسباب
ثانيا
اكيد الزوجة الاولى بتكون مظلومة في الزيجةالتانمية مهما حاول الزوج العدل
ثالثا بغض النظر
عن ضمير صاحبتك وانه اكيد هايفكر هل هي هتكون بريئة من ظلم انسانة ليس لها ذنب علىالارجحفي القصة دي
الا انه لو اقدمت على الخطوة وحلت مشكلتها مع ضميرها
فنصيحتي
لو بتحبه يبقى نسبة النجاح
ممكن تكون60 في المية
امما لو مافيش حب وحب قويفنسبةالنجاح ممكن تكون 30 في المية بعد توفيق ربنا اكيد
وده راجع للمشاكل اللي بتعصف بالبيوت المستقرة اصلا فمابال البيوت اللي بتتبني في مهب الريح
تحياتي واسفةعلى الاطالة
نفرتارى الاول وحشتنينى جدا و وحشتنى مدونتك اوى و اتمنى يا رب انك تكونى بخير
بالنسبه لصحبتك انا شايفه انها متقبلهوش
انا مش عارفه هى صغيره ف السن و لا كبيره بس انا شايفه ان ده هيعملها مشاكل كتير و مش هتبقى ف حالهه استقرار مع جوزها اللى هو اهم حاجه ف الجواز يعنى جوزها هيبقى ف جو مشحون على طول لان اكيد مراته هتتخانق و تعمل مشاكل معاه و هو هيفضل طول الوقت متنشن و متضايق ف هى مش هتبقى مبسوطه لما تعرف الموضوع ده و ف نفس الوقت لو طلق التانيه هتحس هيا بذنب انها بوظت حياه الاسرده دى و يمكن تحس بشعور مش حلو من ولاده نحيتها لانهم هيبقوا حسين انها سبب ف فركشه العلاقه مابين ابوهم و امهم
انا شايفه انها تبعد عن الجوازه دى خالص و ممكن تحاول انها احسن تبقى محضر خير يعنى تساعد الراجل ده انه يحل اللافات اللى ما بينه و بين مراته
و لو هى مش مقتنعه بكده يبقى تعمل استخاره و ربنا يوفقها
عزيزتى نفرتاري انا زائره جديده وبقولك تنصحى صديقتك بالدعاء ينكشف البلاء فهذا امر صعب جدا وسيأتى يوم تندم ومن الممكن ان يندم هذا الرجل ايضا فبعد الزواج سيكتشف انها واحده زي اي واحدة وانه كان من الممكن اصلاح عيوب زوجته لان صديقتك ايضا بها عيوب ولكن تختلف عن عيوب زوجته الاولى فلايوجد انسان خالى من العيوب وعموما ازمه وهتعدي واخيرا ماضاقت الا ما فرجت
إرسال تعليق